老公化療過程

不經不覺老公巳經做咗一半(4次)化療,化療藥對佢嘅癌病起到作用。好感恩癌細胞指數低咗,幅作用都冇咩特別唔舒服。

佢嘅精神好好每日都如常返工,其實自從佢有咗依個病返而响食菜同生果方面有好大嘅改善。

 嚟緊星期四22號就做第5次,希望佢同之前幾次一樣冇特別唔舒服。

癌病

癌病完全冇諗過會响我最愛人嘅身上面發生,老公驗出有直腸癌,知道之後心情好差好唔開心。不過老公非常積極好努力去面對,當事人都咁積極我冇理由用好灰嘅心情去面對佢。

佢將要面對化療同電療,知道造化療同電療會有好多幅作用令佢會好唔舒服,希望佢都能夠一一去面對。而我就會响佢背後支持佢同佢一齊面對。

其實我好擔心同好驚唔知佢會响我身邊有幾耐,  依家好多時候我會同自己講老公未必會同我白頭到老,  但係我會好好真惜同佢一齊嘅日子,依家每個星期六日都會同佢同埋我哋 嘅寶貝栗子出街去吓郊外對佢個病同我哋 嘅心情都好好多。