箍牙 - 第一篇

箍牙開始

12月11號(星期五)開始為箍牙做準備, 嗰日去牙醫度落橡膠,但係醫生轉用銀色好似釘事釘嘅物體放入大牙與大牙之間,令牙有空間為下星期落牙箍。醫生好快就落咗8粒响上下排大牙度,  當晚同星期六上畫都冇咩唔舒服, 但係夜晚開始覺得啲牙有啲酸痛。星期日都咬倒嘢不過啲牙就好冇力,好期待下星期21號落牙箍。

栗子



栗子係我同老公第一隻養嘅狗仔

2014年大除夕帶佢返屋企

養咗佢差唔多六個月啦!
有咗佢我地屋企多

咗好多樂趣



箍牙第二篇

之前响網上睇咗好多綱友分享佢哋上箍嘅感覺。好多人都話上箍之後好痛,完全食唔倒嘢,噚日終於嚟到12月21號我上箍嘅日子。約咗18:30我早到咗15分鐘到,坐响醫務所等見醫生嗰段時間好緊張重有啲驚,終於都入去見醫生安排坐好,醫生就將之前放响4隻大牙入面嘅鐵圈攞開。沖洗吓啲牙,跟住就磨牙之前醫生講過要磨牙因為我啲好迫所以要磨少少等啲牙同牙之間有空位。磨牙唔痛不過有啲位置有少少酸軟,磨完牙就落介子响上下排大牙一共有4粒, 開始上粒粒釘同鐵線。我係用傳統牙箍, 上排同下排門6隻門牙用陶瓷牙釘, 下排後面用金屬牙釘, 醫生都好快手就完成。整個上箍過程完全冇不適嘅感覺,之後姑娘就同我講解吓食嘢方面要注意嘅事項,同埋教我用牙線,牙縫擦同埋點樣擦牙。上咗箍覺得個嘴唔係好自然,講嘢方面唔可以講咁快。

返到屋企老公買魚片粥比我食,不過都唔係好咬倒啲魚片淨係食粥。今朝旱餐買咗麵包食,食得好慢咬得好辛苦,啲牙冇哂力下排門牙重有啲酸軟同痺痛, 其他方面暫時都冇咩唔舒服。

好希望可以好快適應倒。

好戲之人

 

今日真係大開眼界, 見倒一個好戲之人。之前完全睇唔出佢噤好戲, 繼佢話唔鍾意人擦鞋之後又一新傑作。平時係呢位好戲之人做嘅嘢, 因為今日見佢末返所以我先去做。當我差唔多完成見佢出現我就同佢講你整好唔好, 佢叫我繼續因為佢話頭痛唔舒服。我問佢有冇事呀? 佢淨係令頭唔出聲。噤我就完成離開, 由佢話唔舒服到我走開都冇3分鐘。佢就走埋去做佢平時做開嘅嘢但係就鬼打都冇噤精神。想唔理我都唔駛出到話自己唔舒服依個藉口, 真係低估咗佢唔親眼見都唔知佢依家做戲可以去到噤出神入化。下次做戲唔知佢又會用咩戲碼, 佢巳經唔係我之前所認識嗰個人。



做錯嘢

 

唔理你係學生或者係在職人事我諗冇人會冇做錯過嘢, 當你做錯咗而有人提點你,我想每個人都好樂意去接受。但係當做錯咗而有人將做錯嘅事除咗通知當事人之外重要比埋其他人知, 將件事放大我諗冇人會想。將件事放大嘅人完全冇理過當事人嘅感受, 將心比己如果做錯係佢自己有人將件事攪到係人都知道唔知佢會點感受會如可。



攪事



我今日响公司又發生咗事, 我做咩都有問題, 心情真係好影響我嘅工作。唔係好

明點解每次你都要將件事攪大先安樂。你要將件事攪到去老細個度唔緊要, 但

係我估你冇諗倒老細會幫手解決。每次都係噤我唔回應你唔出手, 但係每次到

我回應咗你就再出手回應。跟住就話我做錯嘢要你執我手尾, 每次你都係噤。

我認我有做錯但係你唔需要噤做, 唔明點解你依家會變成噤樣樣事都要攞威要

認叻。

幼稚

唔明點解有人會咁幼稚,同佢講公事係關於我哋工作上嘅問題,佢就好唔客氣叫我同佢上司講,因為唔啱聽就話點解每次都要响佢就嚟生日先嚟講。佢意思係我講嘅事令佢唔開心。佢真係好有問題,佢生日關我鬼事,係唔係就嚟生日唔駛做,咩都唔好講。正生番成30幾歲人都重係咁幼稚。

箍牙

 

响我讀小學巳經想箍牙, 因為當時經濟唔許可所以冇做。到出嚟做嘢人工唔多更加唔會諗,到識咗我而家老公佢又唔介意我啲牙唔齊所以又冇諗。之後結咗婚支出大又要供樓跟本就冇多餘錢去做。到咗今年我終於可以做我想做好多年嘅事就係(箍牙)。上綱睇咗好多綱上意見同埋我朋友介紹。因為佢老公都係同我噤嘅年記先去箍牙,所以終於去咗佘崢崢牙醫矯正科專科醫生度睇。我之前都睇過另一位牙齒矯形醫生,兩個醫生講我嘅情況有好大出入。等埋10月尾去佘醫生度睇埋報告就知道實際情況要點做,其實去見佢嗰時佢都講咗會點做,不過最終都要睇埋X光片確實要點做。待續........

態度 - 2

之前寫過一編關於態度嘅blogger, 文中提過嗰位同事之前朝早都會講聲早晨, 自從發生咗所提過嘅事之後就已經冇。直行直過當你透明都算啦, 有文件比佢同佢講放响邊度理都唔理你。佢有文件要比我就一定係等我唔响位先放我枱面。真係想知如果我全日都唔離開個位, 係唔係就唔比我。

我真係噤乞佢憎。佢憎我唔緊要係佢個人選擇, 但係連最基本禮貌都唔識就好有問題。

態度




就因為態度呢兩個字發生咗問題, 事緣係因為有關於工作上嘅問題去問一位同事佢嘅態度好差 (我覺得)。佢只係不停講好多嘢我都唔係好清楚, 其實佢唔清楚我好理解, 因為上頭有好多嘢都冇講清楚。問題係佢嘅態度黑面己經唔在講,佢同我講嘢嘅語氣好難頂令人好難受。我只係同佢講你嘅態度可唔可以好啲。

佢就二話不說要我同佢一齊見佢上司,入到房就不停數我邊度做錯邊度做得唔

啱。係我有做錯我認但係佢唔需要响佢上司面前不停數我,外人唔知以為佢係我上司,完全唔識咩叫尊重。

有樣嘢最頂唔順係佢話我同人講公司有好多人好錫佢,佢話我唔抵得佢。話你心知肚明啦。真係不知所謂,依家响公司我己經好少出聲,真係想知我重可以同咩人講,況且公司有咩人錫佢對佢好關我咩事。我知佢諗咩公司有噤多人錫佢有咩事都有大把人幫佢,就算真係因為好多人錫佢而令係响工作上有咩好處噤又點,對我嚟講冇任何關係。同佢上司講咗噤耐跟本就冇解決到態度同工作上面嘅問題,唔明點解要响我同佢上司面前講公司有幾多人錫,多鬼餘佢真係好鬼幼稚。

  

討厭

討厭

可以係對人對事同埋對物, 對我嚟講最討厭應該係人佢可以係你嘅同學,

同事或者係朋友。當你討厭一個人就算之前同你感情有幾好, 只要發生過一啲

事令大家變成陌路人就會互相討厭對方, 對方做任何事講任何嘢你都會覺得好

討厭。雖然知道討厭一個人係好辛苦嘅事, 同埋對自己身體都唔係好事, 但係當

你好討厭佢就算你當對方透明, 佢點都係會响你身邊出現避都避唔倒。唔知

係自己EQ唔夠定係討厭嘅人巳經入哂心, 好唔明點解成日都會諗住討厭嘅人,

真係想知有咩方法唔再諗住討厭嘅人。

失眠



失眠

好多香港人都有試過, 每個人都有自己既失眠原因。工作, 家庭, 學業, 愛情

或者其他原因而失眠。近日失眠我平時係唔會失眠, 因為我好容易就瞓得著。

成日比老公話我瞓到好似死豬噤。但係我近排三點零鐘就醒要去到差唔多天光

先瞓倒, 但係五點半就要起身。我失眠既原因都係因為工作問題, 响公司唔開心

攪到夜晚瞓得唔好, 已經成日同自己講唔好唔開心影響心情, 不過真係好辛苦,

每日只係食中午飯同放工離開公司嗰段時間心情比較好。有諗過唔做搵過第二

份工但係一諗度因為某啲人同某啲事影響而唔做好唔值得, 唔知大家有冇好似

我以上既問題而令自己失眠。

擦鞋

擦鞋好多打公仔都會做, 多數都係擦上司鞋。

擦老細鞋應該都唔少

我本身對擦鞋討好老細依樣野唔係好接受。

但係響我身邊而又認識既唔止係擦老細鞋

連老細老婆對鞋都擦埋。

最好笑係之前有人講過好討厭人擦鞋,

估唔到講呢句說話既人今時今日居然變成擦難精。

要上位唔需要擦鞋, 只要做好自已既本份就可以。

其實都係我自己一相情願以為做好自己就得,

跟本就唔係

只要你老細歡喜而佢身邊又有鐘意擦鞋既人就會一拍即合。

你就算做到幾好都冇用, 因為擦鞋既人一定在你之上。

不過唔緊要我個人覺得做好自己一定有人知道。

同事

依家響公司每日都過得好唔開心,響依間公司不經不覺做左26年。

前幾年同一個舊同事有不愉快既日子, 當佢離開左我以為有好日子過,

點知惡夢原來先開始。公司得番3個女同事我係其中1個,

另外2個依家當我係仇人一樣。原全唔想同我有任何接觸,

就算係公事都完全唔想同我講。原因係我覺得佢地對我既態度有所改變,

我就將我既感受(覺得被杯葛) 同佢地講點知其中一位覺得我屈佢,

而另外一位就係牆頭草。如果佢地冇做過一點事令我覺得佢地有變我係

唔會將同佢地講。

由舊年10月到依家我地既同事關係就一日比一日差。

我已經成日同自己講唔好唔開心, 但係好難做到。

每日8個鐘響一個唔開心既地方做野真係好辛苦,

但係我唔會因為依兩個人而唔做。

我好傻有一段時間有自殺既念頭, 我諗既然禁討人厭死左就唔使唔開心。

但係當我諗起好錫我既老公同埋小狗栗子就唔會再諗。

之前響FB睇度一段關於同事既短文寫得好好。

同事, 是同在一起做事,

共事, 是共同做事情。

當你我成了同事, 要在一起共事時,

能和, 則和睦相處;

不能和, 則只點頭相交,

畢竟, 大家都是為五斗米折腰,

圖的只是一份薪水,

彼此又何必過意不去?

倘能並肩作戰, 還可共嬴共利,

縱是不能唇齒相依, 也不必相互扦格。